សាលាបច្ចេកទេស ដុន បូស្កូ ខេត្តកែប ប្រារព្ធពិធីបើកសម្ភោធតារាងបាល់ទាត់ថ្មី

ខេត្តកែប៖ដោយបានសាងសង់រួចរាល់ជាស្ថាពរនូវសមិទ្ធផលថ្មី សាលាបច្ចេកទេស ដុន បូស្កូ ខេត្តកែប ក៏បានរៀបចំកម្មវិធី​​​ បើកសម្ភោធដាក់ឲ្យប្រើប្រាស់ជាផ្លូវការនូវតារាងបាល់ទាត់ថ្មី និងដើម្បីស្វាគមន៍ការអញ្ជើញមកដល់របស់ម្ចាស់់ឧបត្តម គឺលោក Gerard Van Hal និងភរិយាគឺលោកស្រី Patty Pattranitn Chanamporn Van Hal​ ។កម្មវិធីនេះបានប្រារព្ធធ្វើឡើងកាលពីល្ងាចថ្ងៃទី ៩ ខែធ្នូ ឆ្នាំ ២០១៥ នៅបរិវេនតារាងបាល់ទាត់នៃសាលាបច្ចេកទេស ដុន បូស្កូ ខេត្តកែប។ក្នុងកម្មវិធីនេះដែរបានការអញ្ជើញចូលរួមពីសំណាក់ លោក Gerard Van Hal និងភរិយា លោកស្រី Patty Pattranitn Chanamporn Van Hal​ ជាម្ចាស់ឧបត្តម លោកឪពុក លី សំណាង អធិការនៃសាលា ដុន បូស្កូ​ កែប ប្រធានមន្ទីរអប់រំយុវជន និងកីឡា ខេត្តកែប លោកគ្រូអ្នកគ្រូ និងសិស្សនិស្សិតនៃសាលាបច្ចេកទេស ដុន​ បូស្កូ ខេត្តកែប ទាំងមូល។គួររំលឹកផងដែរថាកាលពីពាក់កណ្តាលខែវិច្ឆកា​ ឆ្នាំ ២០១៥ កន្លងមកនេះសាលាបច្ចេកទេស ដុន បូស្កូ ខេត្តកែប បានបើកការដ្ឋានសាងសង់តារាងបាល់ទាត់ថ្មីដែលទទួលបានការឧបត្តមពីម្ចាស់ជំនួយគឺលោក Gerard Van Hal និងភរិយាគឺលោកស្រី Patty Pattranitn Chanamporn Van Hal​។