ដំណើរទស្សនៈកិច្ចរបស់សិស្សផ្នែកទំនាក់ទំនងសង្គម និងសារព័ត៌មាន

ខេត្តកែបៈដោយយោងទៅតាមគំនិតមួយចង់ឲ្យសិស្សនិស្សិតរបស់ខ្លួនទទួលបាននូវចំនេះដឹងថ្មីៗ​ ក៏ដូចជាការស្វែងយល់ពីរបៀបរបប និងបទពិសោធន៍ការងារខាងក្រៅនោះ សាលាបច្ចេកទេស ដុនបូស្កូ ខេត្តកែប សហការជាមួយសាលា​ ដុនបូស្កូ ខេត្តព្រះសីហនុ បានរៀបចំឲ្យមានដំណើរទស្សនៈកិច្ចសិក្សាមួយរបស់សិស្សផ្នែកទំនាក់ទំនងសង្គម និងសារព័ត៌មាន នៅទីក្រុងភ្នំពេញ កាលពីថ្ងៃទី ១២និង​១៣ ខែសីហា ឆ្នាំ ២០១៥។ក្នុងដំណើរទស្សនៈកិច្ចនេះដែរដឹកនាំដោយលោកគ្រូអ្នកគ្រូនៃផ្នែកទំនាក់ទំនងសង្គម​ និងសារព័ត៌មាន រួមជាមួយសិស្សនិស្សិតសរុបប្រមាណជាង ៤០នាក់។ក្នុងដំណើរទស្សនៈកិច្ចពីរថ្ងៃនេះ ក្រុមសិស្សនិស្សិតបានធ្វើការចុះសិក្សាសម្រេចបានទីតាំងគោលដៅចំនួនបីកន្លែងៗទាំងនោះរួមមាន ស្ថានីយ៍វិទ្យុ និងទូរទស្សន៍​អប្សរា ស្ថាប័នសារព័ត៌មានខេមបូឌាដេលី និងស្ថាប័នសារព័ត៌មានអ៊ីនធឺណែតស៊ីអាយណែត។បន្ទាប់ពីឆ្លងកាត់ការបកស្រាយបង្ហាញពីសំណាក់បុគ្គលិករបស់ស្ថាប័ននីមួយៗ​ បានធ្វើឲ្យសិស្សនិស្សិតទាំងអស់ទទួលបាននូវចំនេះដឹងថ្មីៗ ក៏ដូចជាបទពិសោធន៍ការងារជាច្រើន​ដែលពួកគាត់មិនធ្លាប់បានជួបប្រទះពីមុនមក ដែលកត្តាទាំងនេះហើយដែលជំរុញឲ្យពួកគាត់ខិតខំប្រឹងប្រែងព្យាយាមសិក្សារៀនសូត្រ ដើម្បីប្រកួតប្រជែងនិងឳកាសការងារខាងក្រៅ។